Bizipoza Eskola

Hori dela eta, Bizipoza Eskola proiektua babesten dugu. Bizipoza elkarteak bultzatutako hezkuntza ekimena da, eta ikastetxe, gizarte eragile eta entitate komunitarioen eskura jartzen ditu aniztasuna lantzeko eta gizarte sentsibilizazioa sustatzeko euskarazko baliabide pedagogikoak.

Bizipozaeskola.eus plataformaren bidez, proiektuak gida didaktikoak, material osagarriak eta hezkuntza-proposamenak biltzen ditu, bai hezkuntza arautura zuzenduak, bai hezkuntza ez-formaleko espazioetara eta proiektu komunitarioetara zuzenduak. Edukiak adin eta hezkuntza-maila desberdinetara egokituta daude —haur-hezkuntzatik goi-mailako prestakuntzara—, eta gizarte bidezkoago eta solidarioago bat garatzeko funtsezkoak diren gaiak jorratzeko aukera ematen dute.

Bizipoza Eskola gaur egun oraindik ezezagunak diren edo tabuz inguratuta dauden errealitateei ikusgarritasuna emateko sortu da, enpatia, elkartasuna eta aniztasunarekiko errespetua bezalako balioak sustatuz. Proiektuak tresna praktikoak eskaini nahi ditu irakasleek, hezitzaileek eta gizarte-eragileek gai horiek modu hurbilean, irisgarrian eta testuinguru bakoitzera egokituta landu ditzaten.

Lantzen diren gaien artean daude: ezagutza pertsonala eta bizikidetza, aniztasun funtzionala, kulturaniztasuna, familia eta afektibitate eta sexu aniztasuna, genero identitatea, transexualitatea, gaixotasunak, heriotzaren pedagogia edo boluntariotza.